E siman aki 30 skol di fundeshi na Kòrsou ta risibí gratuitamennte pakete di e bukinan nobo na dos idioma pa mucha titulá ‘Juny en Gerald na fakansi’.
Alumnonan di grupo 5 i 6 ta lesa e buki den klas eksperensiando huntu ku e dos primunan avonturanan di suspenso, chistoso, pero tambe tristu.
Esaki ta un proyekto di e sekshon di Kòrsou di e Orde van den Prince ku tin komo meta pa promové e idioma i kultura Hulandes. Na Kòrsou ta konopá esaki na e diálogo ku Papiamentu. Pues, por usa e bukinan aki tantu na Hulandes komo na Papiamentu pa stimulá lesamentu entre esnan di 9 i 10 aña.
Na fin di mart último a presentá e pakete di buki durante un enkuentro den Children’s Museum Curaçao entre otro na Minister Marilyn Alcalá-Wallé di Enseñansa. Seguidamente presidente di Orde Gerry Lendering den konsulta ku e funshonarionan di FO di e direktivanan di skol a hasi un selekshon: 5 skol Hulandes ku Papiamentu komo materia obligatorio, 10 skol bilingual ku alfabetisashon na Hulandes, e skolnan LOM i e skol na Papiamentu SKAIH. E siman aki nan por a bin buska e paketenan di buki riba e dianan palabrá, huntu ku kartanan di lès i tep pa e maestronan. Den e siguiente fase ta ofresé e bukinan na sentronan di hubentut i bibliotekanan, miéntras ku komo pakete e bukinan ta na benta tambe na e librerianan lokal.
Riba potrèt: Di parti di e diferente skolnan a respondé di forma entusiasmá riba e oferta aki di e organisashon lokal di Orde van den Prince.
