Buelta preliminar di Aruba di e OM Nationale Requireerwedstrijd 2019

Corte den prome instancia di Aruba, a tene diaranson merdia, dia 20 di Maart ultimo, e buelta preliminar Arubiano di e OM Nationale Requireerwedstrijd 2019.

Pa di tres biaha, e facultad di derecho di Universidad di aruba, hunto cu Ministerio Publico, a organisa e concurso aki pa e studiantenan avansa di derecho.

E cuater candidatonan ta Karenza Geerman, Vanessa Kort, Thaelisse Loopstock y Wouter Roelens, kendenan a actual como fiscal. A base di un archivo criminal ficticio, nan a presenta sucesivamente nan demanda dilanti hues Marion Soffers den Corte di Prome Instanciana Aruba. Carry-Lynn Martinus, abogado di HBN Law, a desempeña e papel di abogado.

E studiante Gerick Croes a hunga papel di e portero sospechoso di abuso (grave) na un manera excelente. Prome cu e competencia, e cuater candidatonan a wordo enterna pa Ruth Bonnevalle y Remy Gaarthuis, ambos docentenan universitario (senior) den derecho penal y procedimento penal na e Universidad di Aruba. E competencia ta vincula na e curso di di bachelor 3 vak “Studentenrechtbank”, bao di encargo di e docente di Universidad di Arub, Micheline Bury.
E candidatonan a desempeña nan papel di fiscalnan publico cu entusiasmo door di elabora aspectonan legal y na e mesun momento convence e huez cu nan tin razon.

Despues di un deliberacion cuidadoso “den e raadkamer”, fiscal general hans Klaver finalmente a anuncia e ganado: Karenza Geerman!
Karenza lo participa den e representacion di Universidad di Aruba dia 19 di April 2019 den OM Nationale Requireerwedstrijd 2019 den e Palacio di Husticia na Amsterdam. Por sigui e competencia live via https://www.facebook.com/Requireerwedstrijd/