Aaron Arenas di Comision Promove Cultura tin palabra di gradicimento so pa tur cu a contribui pa haci final di Festival Un Canto pa Aruba su Himno y Bandera, categoria adulto, un exito completo.
Manera anuncia, aña pasa no tabatin final pa cual esaki a tuma luga diasabra anochi den forma virtual. E ganado a resulta Jair Vesprey, kende a presenta cu Tipico Buleria. El a bisa cu pronto lo busca un forma pa celebra e triunfo. El a keda hopi contento cu e letranan di e cancion cual e por a interpreta e cancion Ora Sanger Yama di Lurena Schwengle y aregla pa Raul Piar, cu hopi emocion riba escenario. Tipico Buleria a compaña nan.
Arenas a yama e festival uno di nivel halto pa cual e ta sinti su mes orguyoso y honra di tabata forma parti di e festival. A pesar cu ta un aña despues, nan a biba e anochi cu hopi alegria. A participa 18 cantante cu 11 grupo y durante cinco ora largo tur e presentacionnan a tuma luga. Tabatin cantante solista, duo y hasta trio.
Entrega di premio ta dialuna atardi na Gloria
E categoria infantil y Hubenil ta tuma luga diadomingo cu 24 cantante cu shete grupo musical.
