Bucuti Yacht Club a celebra Dia di Betico den ambiente di pesca

821

Dia di Betico tabata dia di famia na varios luga rond nos Isla. Entre nan Bucuti Yacht Club cu tambe a organisa un dia special pa tur su miembronan.
Den combersacion cu Adolfo Koolman, president di Bucuti Yacht Club pa mas di 5 aña caba, ta conta con e dia a bay y con e miembronan a diverti nan mes awe. 
Un dia sumamente exitoso, masha masha hopi hende a yega club awe, na pueblo di Aruba un danki special pa e bishita. A organisa varios actividad y entre nan e piscamento riba pier pa e muchanan caminda por a mira mas o menos 40 mucha ta pisca. Pa e amantenan di pesca esey ta un bista masha bunita mes.

Bucuti Yacht Club a celebra Dia di Betico den ambiente di pesca

Bucuti Yacht Club a celebra Dia di Betico den ambiente di pesca. Click link pa mas https://24ora.tv/3aBUXzg

Posted by 24ora on Saturday, January 25, 2020

Actividad di piscamento di mucha a bay di for di edad di 3,4,5 aña te na esnan mas grandi di 18 aña. Cada categoria cu nan premiacion, pa asina stimula e deporte y amor na piscamento. E ta un actividad sano, cu ta aporta na un crecemento riba bon caminda y ta pone cuminda riba mesa pa hopi hende. Alaves e ta entretene e hobennan. 
Koolman ta remarca cu e club tin mas di 52 aña caba y sigur awe un biaha mas ta masha agradecido na e pueblo en general cu tabata tey presente y a brinda nan e sosten. Durante aña ta sigui organisa acrividadnan cu tin di haber cu pesca y lama. Dianan festivo ta un bon oportunidad y di esey nan ta probecha sigur pa trece tur hende hunto.
Un invitacion y apelacion ta bay na e pueblo di Aruba pa sigui stimula y sostene e deporte/actividad aki cu nan presencia, tur actividad ta organise cu amor y no pa placa, si no pa tradicion y momentonan ameno den compania di otro.