Diasabra 5 di mei 2018 a tuma lugar na Stadion Frans Figaroa na Noord e wega entre Britannia contra di Bubali. Britannia tabata mester minimo un empate pa por clasifica pa e playoff final, caminda cu Bubali ya tabata
elimina for di e playoff.
Durante e wega pa ser exacto na di 20′ di wega e ekipo di Bubali ta haci un cambio caminda cu e Capitan, Theric Ruiz #5 ta wordo cambia pa su primo Micheal Tromp #17
caminda e ta traspasa e banchi di capitan y asina oficialmente Theric ta bisa ayo na
e deporte cu semper el a stima cu ta Futbol, Theric tin un trayectorio hopi largo den futbol
caminda e la milita den e seleccion di su pais Aruba diferente biaha cu tur honor.
Franklin Bareño propetario di e ekipo di Britannia y tambe e Presidente a haci entrega di un plakaat y tambe su camiseta #5 cu e tabata hunga cune den e ekipo di Britannia, tambe Josie Maduro Vice President di Bubali
mester a traha duro pa por a convence Theric pa por a hunga su ultimo wega y asina por a dune e homenaje cu e merece.
Despues di esaki wega por a sigui caminda cu e wega ta termina sin anotacion, e wega riba su mes tabata un wega caminda no tabatin casi ningun armacion di peliger.
E wega a wordo dirigi pa e Refree R de Leca, asisti pa R Dirksz y L Trimon y na mesa A. Werleman. Score final Britannia vs Bubali 0-0.
Den e otro wega cu a tuma lugar na CDGT Dakota a gana RCA 2-0 y asina tambe RCA ta keda for di Playoff Final.
Ekiponan cu a clasifica ta #1 Dakota #2 Estrella # 3 Nacional y #4 Britannia.