Diahuebs un tiki promer cu 6’or y mey di anochi, Polis a haya informe cu dos ruman tabata bringa cu otro na un adres na Sabana Grandi, Santa Cruz. Mesora a manda un patruya di Polis na e adres menciona pa e caso aki. Na jegada a resulta cu 2 ruman a haya discusion cu otro cu a caba na bringamento.
Den esey un di e ruman a uza un obheto skerpi (problamente yabi) y a dal su ruman den cara cun’e y asina cort’e y pon’e sangra. Mesora e Agentenan Policial a pone e agresor baha for di un auto KIA y a deten’e a base di maltrato.
Mientras cu Polis tabata papiando cu e ruman herida, a solicita pa un Transportwagen jega y asina hiba e sospechoso pa warda di Polis na Macuarima Santa Cruz. A laga e victima sa cu e por entreha keho di maltrato na warda di Polis.
