Brazil Taekwondo Stichting ta preparando pa lansa su Kalender di 2021

79

Brazil Taekwondo Stichting ta bay lansa su Kalender Deportivo di tur aña pa asina recauda fondo pa e Team di Aruba. E aña aki nos a wordo stroba door di COVID-19 cu a paralisa Mundo completo, haciendo cierto actividadnan imposibel. E seguridad di tur atleta ta na prome luga. Despues di evalua e situacion a dicidi di lansa e Kalender di 2021.

E team di Aruba tabata tin un fotoshooting na nos hermana isla Corsou y a logra saca varios potret y hunto cu e potretnan saca na Aruba por logra e kalender cu bunita potret aden. Con e layout di e kalender ta bay wordo haci e aña aki no ta conoci ainda, despues di reuni hunto cu e resto di miembronan lo dicidi y lo lansa esaki pa fin di luna. 

Ariba e potret por mira e team di Aruba cu tabata na Corsou pa e TK 5 y a probecha di saca varios potret. Ariba e potret por mira e rumannan Klaber, Joshua, Zahyon, Jourde y Danon Delamore y Reginald Tromp. Tambe por mira Samuel Rosales y Alitia Rosales di Noord Taekwondo Center. Alitia Rosales a guia e team di Aruba na Corsou.  Nos ta wardando ariba e programa di ex Campeon Mundial, coach Olimpico Henk Meijer. Pronto un di e rumannan Klaber lo sigui cu su carera na Hulanda.