Brazil Taekwondo Stichting ta gradici Prensa pa nan presencia na e Cena di Pasco

Pa varios aña caba Brazil Taekwondo Stichting ta invita prensa pa celebra Cena di Pasco hunto cu e atletanan di Taekwondo y otro invitadonan.

E aña aki prensa tabata central na e Cena di Pasco di Brazil Taekwondo Stichting y a presencia entrega di premio na e atletanan. Miembronan di Prensa cu tabata presente ta: Famous Diaz di AweMainta y Team Prensa, Noel Werleman y Seever Krozendijk di 297 Sports, Leo Maduro di Aruba.TV, Cornel Djaoen y Andrew Vrolijk di Tele Aruba y Melvin Garcia di Radio.Brazil Taekwondo Stichting ta aprecia tur e trabou cu prensa ta brinda na Deporte, specialmente Taekwondo cu tur siman of luna ta ocupa cu un of otro actividad pa e atletanan cu ta train, bende carchi di BBQ, Car Wash y Rifa.