Brazil Taekwondo Stichting a reuni cu su miembronan

Brazil Taekwondo Stichting a reuni cu su miembronan awo cu vakantie di scol a pasa.
Nos ta den luna di Augustus y ya caba ta bay cuminsa prepara pa e Cena di Pasco cu ta rekeri masha hopi preparacion, mirando cu esaki ta e actividad di mas grandi cu Brazil Taekwondo Stichting sa organisa y prensa semper ta central na e evento aki.
Alberto Klabér a entrega e cifranan di e biahe di Korea y Josefa Willems lo bay controla esaki pa asina por termina cu e relato di Korea. Mester a cambia e fecha di e ARLS Aruba Caribbean Cargo Taekwondo Cup pa dia 30 di September, pasobra cu Brazil Taekwondo Stichting su atletanan y e otro scolnan di Taekwondo na Aruba a tuma un break durante di vakantie cu exepcion di esnan cu a bay participa na e Pan Americano y e Costa Rica Open. Durante di e reunion a discuti tambe kiko ta e cosnan cu ta bay tin pioridad manera cu e calender wordo reparti, mirando cu tempo ta bayendo y mester keda cla cu tur locual tin plania pa aña 2017 ainda. Lo bay cera e fecha pa esnan cu kier participa na e Cena di Pasco trempan e aña aki, mirando cu e material pa e Cena di Pasco mester wordo traha na tempo. Otro siman lo evalua e situacion di e TK5 Infantil, mirando cu e interes no tey mas compara cu e añanan anterior. 
 
Varios cos tin pendiente ainda pa haci prome cu aña 2018, un di e cosnan cu Brazil Taekwondo Stichting kier realisa ta un bus nobo pa transporta e atletanan pa training, campeonato y otro actividadnan y despues bek pa cas. Dia 7 di september lo reuni atrobe pa asina por finalisa algún punto mas cu a keda pendiente.