Dialuna mainta Sharline Roga Klabér y Alberto Klabér a bay cerca Mauro Jones di Jonespublicidad na Tanki Leendert pa entrega e file completo di e calender 2018 di Brazil Taekwondo Stichting. E potretnan y e texto cu ta bay parti paden di e calender a wordo entrega na Mauro Jones.
Mester a haci un yamada pa asina confirma e texto pa e caft, mirando cu e texto mester bin manera cu e ta scirbi tur caminda. Sharline Roga Klabér y Alberto Klabér a keda cerca di Mauro Jones pa mira con e layout ta bay y Mauro Jones tabata tin e concepto traha caba.
Mester pone tur e actividadnan di Brazil Taekwondo Stichting den e calender y despues mester print un so pa por mira esaki prome cu esaki por bay pa print. Tur hende mester mira prome con e ta bay keda y controla bon si tin un of mas fout aden prome cu duna e lus berde pa e print oficialmente. Esaki ta algo cu ta sosode tur aña pa garantisa un bunita y bon calender pa ora cu e pueblo cumpre, pasobra e calender di Brazil Taekwndo Stichting
ta bon bendi y e por wordo usa pa diferente cos na cas of negoshi.