Brazil Taekwondo Stichting a estrena su matnan nobo di Octagon

Diasabra ultimo Brazil Taekwondo Stichting a estrena su dos set di matnan nobo di Octagon den presencia di Presidente di Aruba Taekwondo Bond “ARTBO” Dr. Guaicaipuro Jimenez.

Dr. Guaicaipuro Jimenez ta contento cu e desaroyo di Taekwondo aki na Aruba, mirando cu Taekwondo na Aruba ta canando sam sam cu e mundo di Taekwondo. Aruba tabata e prome Pais na Mundo pa estrena e headgear electronico den Best of the Best organisa pa Brazil Taekwondo Stichting.

Aruba tin su sistema electronico Generation 2 cu ta wordo usa mundialmente. Awo cu e matnan di octagon e atletanan ta train cu esakinan pa ora cu nan bay bringa internacionalmente nan ta custumbra caba.

E idea ta pa nos no keda atras y pa nos por mantene nos mes na e reglamentonan internacional. Awo ta un cos so falta pa nos por bisa cu nos ta completo pa nos eventonan internacional. Esaki ta e meta awo pa Best of the Best. Paisnan cu ta bin pa Best of the Best ta contento cu nan lo bringa ariba mat octagon na Aruba.

Comments

comments