Brazil Jrs ta gana e duelo di lidernan di Aruba su futbol Division uno

Diabierna 4 di mei 2018 a tuma lugar den Compleho Deportivo Guillermo P Trinidad e wega tan spera entre e dos lider nan di e Campeonato di Aruba su Futbol Division uno.

FC Porto cu ta e actual lider riba e standing Division uno Grupo A contra di Brazil Jrs cu ta e lider grupo B.
E dos equipo nan aki ta luchando pa wak cua lo promove pa Aruba su Division mas halto di Futbol pa e proximo Campeonato 2018-2019.
Den e prome 45′ nan di wega ambos equipo a crea algun opotunidad dilanti gol pero no por a habri e marcador.
Caminda cu nos mester bisa e equipo di Brazil Jrs tabata mas peligroso cu nan contricante.
E prome parti di wega ta termina sin anotacion.
Den e di dos parti di wega nos mester bisa e equipo di FC Porto a bai hunga un wega mas defensivo y asina duna Brazil Jrs mas espacio pa crea mas peliger riba nan gol.
Tabata na di 71′ di wega cu e hungador Clancy Calixte #11 riba su camiseta ta logra habri e marcador pa Brazil Jrs bai ariba 1-0.
Na di 80′ di wega den un atake di e equipo di Brazil Jrs nan ta foulia e hungador Brian Dorothal #17 net na e rand di doelgebied pa refree pita infraccion y duna un tiro liber, aki nan Darwin Smarius # 12 ta cobra un fusil den e skina abow banda drechi di e keeper cu no por a haci nada pa asina amplia e ventaha na 2-0.
Despues di aki nan wega a cuminsa sali for di man e refree mester a saca diferente kaarchi geel y tambe corra.
Cu e wega aki tambe e equipo di Brazil Jrs tabata nan ultimo wega di e di dos round.
Ambos equipo ta den playoff caba sperando algun wega mas pa asina haja sa ta ken nan lo bira nan contricante.
Score Final Brazil Jrs vs FC Porto 2-0.