Brazil Jrs a gana e duelo di lidernan di Aruba su futbol Division uno

Diabierna 4 di mei 2018 a tuma lugar den Compleho Deportivo Guillermo P. Trinidad

e wega tan spera entre e dos lidernan di e Campeonato di Aruba su Futbol Division uno.

FC Porto cu ta e actual lider riba e standing Division uno Grupo A contra di Brazil Jrs

cu ta e lider grupo B. E dos ekiponan aki ta luchando pa wak cua lo promove pa Aruba su Division mas halto di futbol pa e proximo campeonato 2018-2019.

Den e prome 45′ nan di wega ambos ekipo a crea algun oportunidad dilanti gol pero no por a habri e marcador. Caminda cu nos mester bisa e ekipo di Brazil Jrs tabata mas peligroso cu nan contricante. E prome parti di wega ta termina sin anotacion.

Den e di dos parti di wega e ekipo di FC Porto a hunga un wega mas defensivo y asina duna Brazil Jrs mas espacio pa crea mas peliger riba nan gol. Tabata na di 71′ di wega cu e hungado Clancy Calixte #11 riba su camiseta ta logra habri e marcador pa Brazil Jrs bay ariba 1-0. Na di 80′ di wega den un atake di e ekipo di Brazil Jrs nan ta foulia e hungador Brian Dorothal #17 net na e rand di doelgebied pa refree pita infraccion y duna un tiro liber, aki nan Darwin Smarius # 12 ta cobra un fusil den e skina abou banda drechi di e keeper cu no por a haci nada pa asina amplia e ventaha na 2-0.

Despues di aki nan wega a cuminsa sali for di man e refree mester a saca diferente carchi geel y tambe cora. Cu e wega aki tambe e ekipo di Brazil Jrs tabata nan ultimo wega di e di dos round.

Ambos ekipo ta den playoff caba sperando algun wega mas pa asina haya sa ta ken nan lo bira nan contricante. Score Final Brazil Jrs vs FC Porto 2-0.