Diasabra, den oranan di atardi, a drenta informacion cu handrem di un BMW lo a faya y di un manera of otro a bay dal contra un hoben pega riba muraya, cu e consecuencia cu esaki a basha bin abao. Durante di e accidente aki, prensa a haya su mes cu basta contratiempo, mirando cu a bin haci un trabao pa informa pueblo, pero nan a wordo stroba pa no saca potret, entre otro. Mientras tanto e hoben a wordo hiba cu ambulance pa hospital, pa asina ricibi tratamento medico avansa. Polis tabata na e sitio pa tuma dato di loke a sosode.
