Algun tempo minister di labor, Glenbert Croes a yega di anuncia cu trabaonan ta bay cuminsa pa fase 2 di e refineria. Boy Anthony, presidente di IOWUA, luna pasa el a reuni cu e mandatario despues di un entrevista. El a reuni tambe cu Alvin Koolman como tambe CITGO.
Anthony a splica tambe cu CITGO no a cumpli cu contratistanan. CITGO no a cumpli cu Departamento di Labor. CITGO no a cumpli cu trahado. Tin cu duna Cesar si loke ta di Cesar. Si wak tur loke a wordo priminti durante di intercambio di Valero pa CITGO, e bonus, e otro cosnan si nan a cumpli. RDA tambe a cumpli. Ora cu tin mester of tin algo insigur, kico cu ta, nan ta yama Anthony aden pa papia. Di e banda ey nan a cumpli.
Sa cu e situacion ta fastioso pa CITGO, pero e berdad mester wordo bisa y nan no a cumpli.
Cierto anuncionan
Boy Anthony sa un cos. No solamente Anthony ta IOWUA, pero tambe e ta afilia cu USW. E sa cu ley di Merca no ta ley di Aruba. Ley di Merca ta hire and fire. Nan ta bahabo di posicion y por baha bo salario. Na Aruba no por, pasobra nos ta cay bao di ley Hulandes.
E punto di Anthony ta cu prome cu anuncia cu nan ta kita sancion, cu fase dos ta bay sigui, mester a informa bon. Mester a double check. No ta bay eyfo bisa. Pero, tin cu duna gobierno e beneficio di duda, pasobra no mester perde speransa y bira negativo.
Anthony a splica cu mas hende ta sali cada dia. Tin hopi stress bao di e trahadonan. Ta traha debe, bo hipoteca, bo auto, a base di bo salario. Bo ta biba a base di bo budget. Cierto momento e lo bay yega na e Union. E mes ta mira e minimo di trahado ta esey. A pone tur punto di IOWUA riba mesa. Esey ta pa garantisa cu e cos ta keda safe. Tin cu mand’e ainda pa abogado, pasobra tin colega ta bay entrega un carta. Anthony a haci uzo di e oportunidad, unda cu el a expresa cu e sa cu tin staff y tur hende kier sa kico ta kico. Gobierno tambe por push. RDA por push pa gerencia tene sesion, pa trahadonan por haci nan pregunta, trece nan preocupacion p’adilanti pa asina nan sa unda nan ta para.
Mensahe di deseo
Boy Anthony di IOWA a splica cu e ta kere den nos hendenan como cu por lanta e planta. E ta kere den upgrader, e plan ta bon. E no ta malo. Pero con tur cos a bay, cu e sancionnan, e situacion di Venezuela, e situacion di Merca, cu tur eseynan, e ta haci’e pa un isla chikito como tambe pa Corsou y tur, hopi dificil.
Anthony ta spera cu lo bin cambio pronto. Awor aki por djis carga speransa y sigui traha, percura pa pueblo haya gasolin, pa nan haya jetfuel, pa por sigui traha, maske con hopi stress tin, sigui percura pa pueblo no wordo perhudica.
E comunicacion entre gobierno, CITGO, RDA, duna informacion na pueblo, esey ta yuda. Sinta hunto. Cooperacion semper ta yuda. Anthony ta haya falta pa esey. Gobiernonan, no tur, ta duna afspraak na sindicato ora cu nan kier, Berde, Geel, Blauw, con cu pone. Nan ta traha den nan interes, cual no ta bon. Ta pesey a wordo poni eynan. E comunicacion entre parlamentarionan, ministernan, gobiernonan, CITGO. Por a corda dia di votamento, si e refineria ta si of no. Tin a lanta bay, tin a vota contra. E cosnan ey ta ponebo duda cu ta cu e trahadonan of no ta cu e trahadonan.
Tur esey ta pone Anthony duda. Awor aki nan ta stress riba hotel. Wak un hotel dilanti di e gate di CITGO. Dicon no a drech’e. E hotelnan ey nan ta casi cla. Dicon tin cu bay daña nos beachnan. Dimes cu di baina tin un beach drechi. Ata un hotel, dreche y tur cos lo ta cla.
