Boto perdi a yega tera

Algo pasa di 9:30 di mainta, a drenta informacion cu e boto Michenine cu matricula A-381 lo tabata perdi cu dos hende abordo. Despues cu boto di polis a bay busk’e, nan a bin logra hay’e 20 miya leu.

Pa 11’or di mainta, a trece e boto tera na e pier di Waf di Rancho. Danki na Dios cu nada mas no a pasa. Tin cu tene cuenta cu awo cu nos ta den temporada di Cuaresma, e coriente di lama sa ta fuerte y biento por ta tiki duro.

Ta bon pa usuarionan di boto chikito tene cuenta cu e advertencianan di Servicio Meteorologico, prome cu nan subi lama.