Personal di Kustwacht durante nan patruya a mira riba radar con dos boto ta piscando den forma illegal den nos awanan. Aki ta trata di dos boto Venezolano.
Nan tabata tira palamber. E botonan tabata mas of menos 1.5 pa 2 miya den nos awanan na altura di Barra. Esaki ta un area poco seco unda tankeronan tambe ta staciona. Eynan tin bon pisca y e botonan Venezolano ta bay eynan pa asina coy pisca den forma illegal. Ora cu Kustwacht a yega nan a cuminsa huy den awa di Venezuela. Durante e persecusion e capitan a purba desvia pa huy y manda boto den direccion di esun di Kustwacht. E botonan a dal den otro y e boto Venezolano a sink. Nan tabata tin hopi boei den lama cu nan palamber. A recohe tur cuater tripulante for di awa. A trece nan tera y nan a cana e proceso te cu Ministerio Publico a pone un multa pa piscamento illegal. Un di dos boto cu tabata hunto cu nan a logra huy. Esun cu a accidenta durante persecusion tabata e boto El Dolar.
Nan a wordo saca awor for di Aruba cu prohibicion pa drenta nos isla pa cinco aña parce. Nan no tabata tin placa pa paga multa y awor ta keda pendiente cu un debe habri na Aruba.
Den combersacion cu Ministerio Publico a logra mandanan. Nan tin procesverbal traha contra nan pa pesca illegal. Mientrastanto e incidente a bin cu su problemanan pa e tripulacion di e boto El Dolar. Un a haya sla na cabez y a bay Hospital pa controla. A pasanan pa Guarda Nos Costa cu a sigui e proceso. E capitan a keda pega bou di e boto na prome instante segun e conocirnan di e piscadornan mes. El a haya basta sla tambe y a keda tur blauw na golpi. Esaki a pasa pasobra nan a purba huy di autoridad di Kustwacht. Nan mes a bin dal intencional y purba dal den boto di Kustwacht causando un situacion malo segun autoridad. El a pasa diasabra den dia.
Botonan no local no mag di pisca den nos awanan. E ta conta tambe pa otro botonan di Aruba cu tin biaha ta Sali for di Aruba y drenta cierto areanan Venezolano pa pisca. E area unda e incidente a sosode segun Kustwacht, ta un bon area pa pisca y ta seco y tira palamber. Den e caso aki cos a bay robez ora a duna ordo pa para. Esaki ta e imagennan di situacion. Por mira tambe un file foto di e boto El Dolar na costanan di Venezuela.
