Boto a pasa riba 2 turista den lama na Savaneta

8184

Awe nochi net despues di 7:30pm a sosode un accidente riba lama, na altura di ex-Brisas del Mar Restaurant na Savaneta. Un boto crioyo estilo peñero, yama “Doña Elizabeth”, a pasa riba dos turista landando den lama. Ambos tabatin herida na caves na yegada di autoridad.

Testigonan a conta na e sitio cu Doña Elizabeth tabata biniendo cu velocidad halto, cu su luznan paga y no a nota cu tabatin algun hende ta landa den lama. Aki e boto a sea dal of pasa riba nan y cu a causa cu ambos persona, un hende homber y un hende muhe, a resulta herida na cabes.

Parce cu un boto di Wardacosta, cu tabata cerca eybanda y cu a scucha desordo, a activa mesora. A scucha grito, cu a pone cu a bay den accion y a saca ambos turista for di lama, hinca den boto di Wardacosta y a transporta nan pa un pier den vecindario.

Ambulance a presenta y a transporta e victimanan pa Hospital, mientras cu Polis a haci investigacion na e sitio hunto cu personal di Wardacosta y Marina Real cu a yega mesora na e sitio. Ta sospecha cu e turistanan tabata sambuya, ora cu ta scur caba y e boto a pasa sin luz, cu consecuencia conoci.