Diabierna mainta a activa parkrangernan, Polis, Kustwacht y Helicopter pa asina move direccion di Dos Playa. A mira cu tin indicacion di boto cu a drenta Aruba den forma clandestino. Na yegada a topa boto basta destrui.
Riba beach a mira tankinan y vest etc. Parti di e boto tabata suta den baranca y e otro parti tabata laba riba beach. Despues cu autoridad y esnan di Parke Arikok a yega na e sitio, no a topa cu hende. Asina mes a cuminsa un buskeda cortico. Tin ta kere cu nan no a subi tera.
Otronan ta pensa cu si nan a subi tera. A pasa cu helicopter den rooi y no a haya nada. Ta pensa tambe cu tin hende cu probablemente por a fayece den e proceso di yega tera. Investigacion ta continua. Ora cu e boto a yega e radar y helicopter no a capta nada.
