Bosman: Ady Thijsen ta sigui agenda di MEP enbes di un presidente di Parlamento

3139

Andre Bosman (VVD) tabatin su comentario riba loke a pasa diahuebs anochi den Parlamento di Aruba, unda un reunion di “visserij” a finalisa cu un mocion di desconfiansa cu a caba cu un votacion di 10 na fabor y cero en contra.

E cos aki ta hopi straño, Bosman a cuminsa pa bisa den un combersacion breve cu 24ora.com. El a recorda cu un mocion di desconfiansa no ta algo chikito y e impresion cu el a ricibi ta cu esaki na ultimo ora a wordo pusha pa pasa den Parlamento. E hecho cu a tuma e mocion cu 10 vota na fabor y cero contra ya caba ta straño si mira cu parlamento tin 21 miembro. “Mi no por imagina mi mes e cos aki. Y mi no ta haya e cos aki imprudente, ya cu e ta duna e impresion cu Aruba tin cosnan robes andando. E crisis t’asina grandi y pa nan envolve nan mes cu e tipo di problemanan aki.”

Bosman: Ady Thijsen ta sigui agenda di MEP enbes di un presidente di Parlamento

Bosman: Ady Thijsen ta sigui agenda di MEP enbes di un presidente di Parlamento

Posted by 24ora on Friday, October 16, 2020

E ta haya cu e isla mester concentra su mes riba e problemanan di berdad. E ta puntra si spearfishing na e momentonan aki ta e problema mas grandi di Aruba. E esencia ta e economia, e futuro di e isla cu ta na peligro, con por diversifica e economia di cual spearfishing ta un parti masha chikito. “E pregunta ta si mester bay laga e economia draai cu spearfishing. Aunke e riesgonan ta grandi, e ta keda na Aruba pa scoge kico e kier haci. Pero esaki no ta un paso pa yega na un miho economia pa Aruba. Bo no ta haci e trabou como un miembro di Parlamento, menos como Presidente di Parlamento.”

Bosman a bisa tambe cu e ta haya cu Ady Thijsen a trata e asunto aki mucho como algo politico, mas como un representante di MEP enbes como Presidente di Staten. E Presidente ta riba politica partidista y mester tin tur e espacio pa cu tur cuidao necesario tuma decisionnan. Awo mi ta mira un parlamentario di MEP eynan cu t’ey simplemente pa ehecuta e agenda di MEP. E mester puntra su mes kico ta su rol como presidente di Staten.”

Na final el a manda un mensahe tanto pa miembronan di coalicion como oposicion: “Preocupa boso mes pa boso economia, e problema di corona, preocupa cu e pakete di Hulanda ta yega cerca esnan cu mester. Ta inimaginabel cu por surgi un crisis den Gabinete pa motibo di spearfishing, mientras cu e discusionnan mester ta riba e “Landenpakketten”.  No ta tende nada di e problema di dump cu ta mas importante cu spearfishing. Loke ta pasando aki ta un wega politico riba lomba di tur Arubiano . E tema aki nunca por ta bo focus como politico.”