Despues di 2’or di merdia a tuma luga un accidente den pleno centro di Oranjestad – cu a laga un señora herida. Ambulance a transport’e pa dr. Horacio Oduber Hospital.
Polisnan cu a yega na e sitio, mesora a cera henter e area pa nan haci e investigacion necesario.
Segun por a compronde eybou, e señora a wordo sorprendi ora cu e borchi di un negoshi banda di Pastechi House a bin abou y a alcans’e. Despues cu personal di ambulance a stabilisa e situacion di e señora, a transporte pa hospital pa un control mas profundo.
Segun por a compronde, e borchi ta di un negoshi cu un tempo tabata den e edificio eybanda. Pero a cera su portanan pa hopi aña caba.
Por corda cu basta aña atras tabatin un accidente similar banda di ex edificio di Duana na Playa. Tabata trata di borchi di un fastfood restaurant y a resulta herida.
