For di dia 2 di april e lider di UPP a entrega un carta pa haya tur documento cu ta concerni e destaho bao di man di incinerator chikito cu a papia hopi riba dje.

Lamentablemente, Minister Otmar Oduber no a duna copia di e documentonan aki. A haya nan ter inzagge. E mesun dia a entrega un peticion pa bay LAR, pasobra e no ta di acuerdo cu loke nan a duna ter inzagge.

Segun ex parlamentario y lider di UPP, Booshi Wever, ora cu el a bay wak ter inzagge den e documentonan aki, el a compronde di con e minister no tabata kier pueblo haya sa. Den un programa di radio, e Minister a laga sa cu Wever ta bay haci politica. Wever kier pa e Minister sa cu e ta un politico y e ta lider di un partido politico. E diferencia grandi ta cu su persona y UPP y Wever, cu e unico cos cu ta bringa p’e, ta e bienestar general.

Gobierno no ta transparente cu placa di pueblo: Booshi Wever den LAR contra Otmar Oduber

Posted by 24ora on Friday, July 12, 2019

E ta bisa cu e conoce e Minister aki cu e bienestar general p’e, no ta conta. Ta beneficio y bienestar di su amigonan, di su sponsornan ta na prome luga. Ta p’esey ta insisti como partido politico, pa haya e documentacionnan aki pa mustra pueblo, cu ta categorisa esaki pa haci politiek, so be it. Esey ta politiek, pueblo mester sa.

P’esey e Gobierno e tempo ey a bin cu esaki pa mustra cu pueblo tin derecho di sa kico ta pasando. Particularmente ora bo ta wak cu aki tin actonan di corupcion ta tuma luga, Wever a enfatisa. Actonan di corupcion na unda cu cierto amigonan ta wordo privilegia door di e Minister. E Minister tin e poder pa haci esaki. Ta spera cu por haya un conseho positivo di LAR, p’asina por haya e copianan aki pa pueblo haya sa. Wever a bisa cu no ta bay pone nan den un cashi. E ta bay traha riba nan y si tin cosnan cu a bay fout, cu tin actonan coruptivo, actonan contra ley, e ta bay Ministerio Publico cu nan. Y si DOW, e ambtenaarnan cu tambe ta poni den e ley aki, tambe comete cosnan pa privilegia hende y yuda e Minister den su maniobranan, nan tambe tin cu carga consecuencia di esaki.

Booshi Wever den LAR contra Otmar Oduber

Booshi Wever den LAR contra Otmar Oduber. Click e link pa mas https://24ora.tv/2Sd3sbe

Posted by 24ora on Saturday, July 13, 2019

Kico a logra

No a logra nada ainda. Awor aki a duna punto di bista. Loke Wever ta haya straño ta cu Gobierno ta pidi uitstel. E tin full un aparato, tanto na DOW, esta hurista. Nan tin un departamento di Hurista y awor aki ta huur in abogado tambe.

Nan puntonan di bista, segun Wever, no ta corecto y ta cla cu falta hopi informacion. E gobierno aki ta conoci, vooral e Minister aki, ta gusta tene informacion atras, sigui cu su racha, den e caso aki su corupcionnan. Tin cosnan ta andando riba e incinerator chikito aki cu no por. Cu hasta ta cay bao di e definicion di soborno. Soborno ta pio cu corupcion.

Booshi Wever a sigui splica cu nan ta bezig cu soborno y e ta bay prueba esaki. No por t’asina cu bo ta privilegia un compania amigo dibo. Ora cu bo wordo gara bo kier drecha cos Ora cu un umpire canta un strike y bola, despues bo kier drech’e y canta bola strike, bo ta comete dos fout. Den e caso aki e Minister ta cometiendo un otro eror atrobe y ta purba di get away.

Ta spera cu miembronan di Parlamento lanta ariba y para e tipo di bagamuderianan aki.

Conseho

LAR no ta duna contenido di e conseho, pero si nan ta bay duna un conseho. Y nan ta tuma nan tempo. A pidi nan pa haci’e mas lihe cu ta posibel. Ta spera cu esaki ta e caso. No pa nan, no pa Booshi Wever, sino pa pueblo sa kico ta pasando y pa pueblo sa cu locual ta biniendo of a bin caba, no ta e miho producto y no ta esun mas barata tampoco.

 

 

Comments

comments