Intencion pa habri e posibilidad pa Importacion di carni for di Colombia, algo cu no ta sosode desde diescinco (15) aña pasa, a capta atencion di hopi sector di e comunidad di Aruba. E tema aki a bini dilanti durante bishita di funcionario di Embahada di Reino na Bogota, Colombia, sr. Ernst Noorman.
A prohibi importancia di carni for di Colombia for di tempo cu Ambrosio Booshi Wever tabata minister di Salud Publico. A surgi un griep di bestia cu a pone bista di mundo completo riba tur e paisnan cu ta exporta carni, pero tambe pa control riba esnan cu ta importa esaki. Tabata na 2006 cu Gabinete Oduber a dicidi pa prohibi importancia di carni di Colombia, mirando cu mundo henter a bira mas estricto cu importacion di carni. A scoge pa importa carni for di e paisnan unda por a sigura cu e control di sanidad ta hopi estricto. Principalmente mester tin un protocol pa keurmento di carni.
Esaki a sosode bou di maneho di Booshi Wever como minister di Salud Publico na aña 2006. Esey a bini despues cu Colombia no por a cumpli cu exigencianan internacional, y no tabata por a importa mas pa Merca ni pa Europa pa motibo cu no ta laga inspecciona henter e cadena for di nacemento di e baca, por ehempel, te ora cu export’e.
Awe 15 aña despues, ainda esey no ta e caso. Wever ta lamenta cu gobierno awo kier haci un wega populista, dilanti eleccion, pa papia cu ta evaluando posibilidad pa importa carni for di e pais aki.
Pa mas di e declaracion di Booshi Wever, lesa TREMPAN.
