Dilanti di miembronan di Bonaire Club a eligi un directiva nobo, unda cu Jane Soliana a keda como presidente.
El a splica cu nan a logra di instala nan directiva, cu ta pa Bonaire Club pa purba di rescata loke nan tin ainda eynan.
E no a bay facil, sinembargo tabata tin momentonan cu nan a debati cu e miembronan cu a funda e club aki, cu for di un principio nan a wak cu e club aki lo por funciona, pero na caminda a cambia diferente directiva, unda cu tabata tin diferente fayo.
A instala un directiva nobo y ta hopi contento cu esey. Segun Soliana, meta ta, pa drecha e club aki pone bek den funcion caminda cu a bishit’e siman pasa.
E club aki ta hopi deteriora. E tin hopi cos cu tin cu drecha riba dje. Tur esaki ta costa placa.
E directiva a lanta un grupo cu ta dispuesto pa traha pa esaki. Hendenan cu a acerca e directiva pa haci’e voluntariamente. Soliana ta contento cu awe tin un team tremendo cu a pone schouder cu schouder pa bay lanta Club Boneriano bek.
Soliana ta yama danki na tur esnan cu a pone nan confiansa den dje y tambe tur esnan cu a deposita nan voto cu awe tin un directiva bek pa Bonaire Club.
Nan lo ta on bek. Lo bay ta haciendo tur nan maximo esfuerso pa pone e club aki bek riba pia.
Soliana un biaha mas a yama un danki na tur esnan den directiva, cu awo nan trabao ta bay cuminsa y ta conta cu e apoyo di Aruba completo.