Awe marduga, net despues di 12or di anochi, habitantenan di un cas na Bakval a bati alarma pa un palo di coco na candela. Ta un caso masha peculiar, con un mata por pega na candela su so asina den marduga, den cura di un cas. Bomberonan a presenta mesora pa spuit poco awa y evita cu e candela por causa daño na e cas.
“No ta algo normal. Un mata no por pega na candela asina sin mas, pio anochi”, asina un Bombero pensiona a conta nos. El a bisa sea un hende a pega e mata na candela of e por tin wayanan di coriente, kisas di luz, cu ta pasa rond di e mata, cu por a keinta y asina pega candela. Con cu bay bin, e tabata un suceso peculiar!
E doño di cas mes a keda asombra cu e candela y a keda di haci un investigacion pa mira kico por a pasa. No a haya holo di kerosin of cualkier otro substancia pa por a causa e candela aki, cu den cierto forma, ta mustra probablemente di tabata intencional.
