Bombero den accion pa auto na candela den Madiki

Na prome instante a bati alarma pa un cas na candela den area di Madiki. Ta cu maximo urgencia cuerpo di bombero a sali direccion eynan. Esaki a tuma luga den ora di diadomingo mainta den Nicaraguastraat.

Na yegada a bin constata cu no tabata trata di un cas pero mas bien di un auto na candela. Bomberonan a drenta den accion mesora pa domina e candela y evita cu esaki expande na e cas afecta pero tambe esnan den cercania.

Auto na candela den Madiki

Posted by 24ora on Sunday, December 5, 2021

E vehiculo tabata staciona dilanti porta di e cas y hopi cerca di un boter di gas. A logra habri hood di e auto y asina desconecta bateria y sigura cu e candela no por continua. Afortunadamente e daño tabata material y minimo. A traha rapidamente pa evita lo peor y hende perde propiedad pero mas importante na bida den un candela.