Boluntarionan hopi motiva na Museo Historico

178
Hyundai i10
Send a Tip 24 Whatsapp
Download nos App
CMB Ban Cobra
RBC Loan Calculator

Manera ta e custumber e aña aki Museo Historico Aruba a bolbe participa cu Aruba Doet. E proyecto pa embeyece e hofi a tuma luga diabierna 9 di maart y diasabra 10 di maart. Riba ambos dia e museo a haya ayudo di boluntarionan hopi motiva y pro-activo cu a hasi e proyecto aki uno exitoso.

Fusion Summer
Redfish lunch Special Sept
Ranger Summer
CIBC Get Moving

Ariba e prome dia a haya ayudo di e grupo di Divi Impact di Divi Resorts cu tabata consisti di 31 persona cu a percura pa e banda zuid a haya un limpiesa completo. Tur e yerba a wordo kita y e piedranan a wordo nivela pa asina e bishitantenan por disfruta di un paisahe bunita ora di yega Fort Zoutman. Tambe nan a asisti na e otro banda di e Fort door di cuminsa kita piedra pa prepara e plantacion di e dia siguiente.

Diasabra e grupo di 15 boluntario di Guardian Group a bin duna un man pa hasi e hofi un realidad. Na e banda panord a reparti e piedranan, chapi, a traha un caminda chikito pa por cana den e hofi y tambe a planta varios mata, entre otro, seida, malohi, yerb’i hole, aloe, tuna spaño y breba. Esaki ta forma e comienso pa e hofi di Museo Historico cual tin como meta pa educa nos bishitantenan ariba e importancia historico di diferente mata.
E team di Museo Historico Aruba kier a gradici tur e boluntarionan cu a tuma nan tempo y a hasi un gran esfuerso pa por a yuda nos ariba e dos dianan aki.

Tambe nos kier gradici e team di Aruba Doet cu semper tabata disponibel pa guia nos. Mas cu claro nos no por lubida nos patrocinadornan cu a hasi e proyecto aki posibel: CEDE Aruba, Oranje Fonds, Safecom Aruba, Santa Rosa, Don Pastechi Factory, Oduber Agencies, Pico Bello Aruba y Fruteria Virgilio. Un danki di curason na cada un di boso.

 

Comments

comments

home improvent
Dragon Fly
AC Delco 20% Service
Test Drive Cordia Carnival Village y Do It