Basa riba principio cu un ons di prevencion bal un tonelada di remedi, e 12 boluntarionan riba e barco Freewinds a distribui mas di 90.000 copia di buki educativo na Spaño, Hulandes y Ingles. Nan proposito ta pa yuda comunidad keda sigur. E foyetonan How to keep yourself & others well, How to protect yourself & others with mask & Gloves y How to prevent the spread of illnes with isolation, ta yuda hende compronde e basiconan di prevencion asina nan por haci nan parti pa mantene nan mes y otro sigur.
Frontera di Aruba a habri pa turistanan, pero Gobierno a emiti protocolnan pa garantisa cu turistanan por disfruta di nan estadia saludabel. Ora di compronde prevencion, tur por haci nan parti pa garantisa cu e economia por avansa sin problema.
Esaki ta e rason pa cua e boluntarionan tambe ta promove e medidanan di prevencion, con pa mantene Bo mes bon, disponibel na Spaño, Hulandes, Ingles y otro 17 idioma riba e website di Scientology, cu ta na disposicion yena di materialnan di prevencion manera posternan di protocol y hopi mas. Ta haci tur esaki gratis. Por lesa of download e foyetonan for di e website www.scientology.org/staywell.
E distribucion di foyeto rond Aruba a cuminsa na april ora cu e boluntarionan di Freewinds a bishita tiendanan, oficinanan gubernamental, hospital, centronan comunitario, misa y scolnan. A haci esaki pa yuda miembronan di comunidad cu hermentnan pa por lidia cu Covid-19.
Awo cu e yegada di mas turista, un impulso bonbini p’e economia, e propietarionan di tiendanan ta mira e foyetonan aki manera un forma di mantene e progreso cu e isla a logra. Hopi boluntario a comenta cu a ricibi e foyetonan bon y e gerentenan di tiendanan a revisa esakinan y a mira e importancia pa comparti informacion cu clientenan.
E programa boluntario di Iglesia di Scientology ta un servicio social religioso crea den decada 70 p’e fundado di Scientology L. Ronald Hubbard. Ta constitui un di e forsanan di auxilio independiente internacional mas grandi y visibel. E mandato di e Boluntario ta di “un persona cu ta yuda su prohimo boluntariamente pa restaura e proposito, berdad y balor spiritual.”
