Bolo gigantesco pa celebra “Dia di Impuesto”

Recientemente a celebra Dia di Impuesto na Aruba. Desde aña 2004 cu Inspectie der Belastingen y Ontvanger der Belastingen a uni den un solo departamento, ta celebra “Belastingdag” tur aña dia 1 di december. E aña aki a celebra e fecha aki diabierna dia 7 di december cu un dia yena di actividad.

Minister Presidente Evelyn Wever-Croes, siendo ex Inspector di Impuesto y un hurista fiscal a compaña su colega Xiomara Ruiz na e celebracion cu a tuma luga ma Piedra Plat. Ey a corta un bolo gigantesco pa celebra e dia special aki.

Impuesto ta existi desde tur tempo, hasta prome cu nacemento di Cristo. Cu tempo a modernisa y paisnan hopi biaha a scoge pa un modelo social, den cual esunnan cu e schouder mas hancho ta aporta pa esunnan cu e schoudernan mas smal. Na final, e aporte na impuesto ta bay bek den operacion y inversionnan for di caha di Gobierno pa tur su Ministerionan.

Den e cuadro aki, Departamento di Impuesto di Aruba ta por lo menos un di e fuentenan di entrada mas importante pa tur Gobierno. Como tal, dos Minister a bay celebra cu e empleadonan di Departamento di Impuesto, pa yama nan danki pa nan aporte, disciplina y servicio brinda na contribuyentenan.