Famia di e nursenan riba warda awe nochi na e seccion di Spoedeisende Hulp (SEH) a yega pafo den auto bou pitamento cu blaas pa saluda nan ser keri cu ta trahando 24 ora pa dia pa brinda cuido na Hospital. Pa 8:00pm nan famia a bin aplaudinan pafo, a trece bolo y blaas pa nan. Un rato di alegria y sosten pa nan trabou desplega como “front liners” den e lucha pa combati Coronavirus.
Nursenan na SEH ta e prome nan pa topa cu pashentnan drentando malo of di accidente. Nan ta esunnan mas vulnerabel pa nan mes contagia cu Covid-19 pa cual nan protocol di trabou a cambia drasticamente e ultimo simannan aki.
No solamente nan famia, sino henter comunidad ta contento y masha orguyoso di tur e nursenan brindando cuido na pashentnan, den tanto Hospital, na ImSan y den casnan di cuido di nos grandinan. Coronavirus a causa hopi daño na hopi cos pero di otro banda a subraya e importancia y e rol escencial cu dunadonan di cuido ta representa den nos cadena di cuido medico. Masha danki!
