Diadomingo marduga, poco pasa di 12:00 am, a sosode un accidente rib’e caminda di Cunucu Abou, cu despues a bira un persecusion. E persecusion a cuminsa na momento cu un BMW preto a ranca spiel di un Hyundai Accent color shinishi. Chauffeur di e Hyundai a resulta herida.
Ambulance a presenta na sitio pa atende cu e chauffeur herida. Polis di trafico tambe a presenta na sitio pa tuma tur informacion di e accidente.