Aruba Scholarship Foundation a otorga beca na 16 studiante

315
RBC Loan Calculator
Special di Diamars Ling Sons
i10 Sedan
CMB Ban Cobra
RBC Holiday Loan
Aito 2018
Blossoms Special Menu

Recientemente Aruba Scholarship Foundation a tene su ceremonia anual pa otorga beca na 13 studiante pa sigui un estudio superior den exterior. Presidente di Aruba Scholarship Foundation, Frits Goedgedrag a felicita y elogia e hobennan y nan mayornan. El a mustra su satisfaccion y alegria pa e interes, motivacion, determinacion y prestacion academico di e studiantenan.

BENU – Cambia y Gana
Sinterklaas Bais Techshack
I am Consultancy
Red Fish Eat Local
Beat the Heat ACC

Durante e procedura di selectamento, e studiantenan a destaca pa nan prestacion academico y nan a duna un presentacion impresionante durante e entrevista cu Directiva di ASF.

Tambe Frits Goedgedrag a expresa aprecio pa tur e miembronan di e organisacion pa nan amor pa Aruba Scholarschip Foundation cu tin e becadonan na pecho. Ademas el a gradici nan pa nan bon conseho y determinacion durante e reunionnan.

E aña aki ASF a introduci un beca special, banda di e beca usual di tur aña. Pa duna honor na cofundador y ex Presidente di Aruba Scholarship Foundation, Clyde Harms, e organisacion ASF a introduci orguyosamente un beca masha apart cu ta carga e nomber Beca Clyde Harms pa Excelencia Academico. Clyde Harms mes tabata presente pa entega, bou di gran aplauso, e beca aki na tres di e studiantenan.

Di e becadonan tin 6 nobo y 6 repeater. E studiantenan nobo ta Anton Bruin (Accounting), Christopher Engelhart (Biochemistry), Bettiza-Marie Koolman (Cardiovascular), Endry Brito (Biochemistry), Tristan Marchena (Engineering), Joshue Garcia (Graphic Design).

Mientras cu Lissey Briesen, Adeline Martinus, Julian de Mey, Flor Romero y Eric Vinck a haya aprobacion di ASF pa continua cu nan estudio cu beca di Aruba Scholarship Foundation.

E becadonan a scoge pa sigui nan estudio na un instituto acredita na Merca, Canada, Colombia y Spaña. Tur invitado tabata hopi contento pa e forma cordial cu nan a wordo ricibi y pa e rato sumamente agradabel.

Comments

comments

home improvent
Roll The Dice Better Price
Dragon Fly
AC Delco 20% Service