Polis y con preocupa nos mester ta cu e asunto di Venezuela?

1056
Blossoms Special Menu
RBC Holiday Loan
i10 Sedan
RBC Loan Calculator
Special di Diamars Ling Sons
CMB Ban Cobra
Aito 2018

Polis tambe ta vigiula henter e desaroyo di e pais pazuid cu ta Venezuela. Desaroyonan politico ta motibo pa Aruba tambe ta den alerta. Lito Lacle cu ta vocero di Polis mes ta comenta kiko ta e situacion.  Si mira bon, riba websitenan ta splica cu un dollar awe ta casi 137 mil bolivar. Consecuentemente ora bay mira e salario minimo na Venezuela, a resulta cu e salario minimo ta mas of menos 1.30 pa luna. E canasta basico pa sobrevivi ta 7 biaha e salario minimo. Consecuentemente, bo salario minimo ta 1.30 pa luna, bo mester 10 dollar pa survive. Consecuentemente e hendenan aki ta bira creativo y ta busca otro manera pa yega na placa y cuminda pa cria nan famia. Un di e metodonan y un di e ideanan cu nan ta haya, ta bay un di e islanan cu nan ta cerca di dje. Nos mester preveni pa haci menos atractivo pa hende bin Aruba ilegalmente. Mester bay cuminsa cambia cierto leynan, duna polis cierto podernan. E departamento cu si tin e potestad cu ora bay over na control, bay over na reparti boet na esnan cu ta duna e hendenan aki trabao. Pa stop esaki, e mester bira menos atractivo. Ora e ta atractivo pa bin aki y cada biaha cu tolera nan traha cerca nos, nos lo keda tin e problema aki.

BENU – Cambia y Gana
Red Fish Eat Local
Sinterklaas Bais Techshack
Beat the Heat ACC
I am Consultancy

 

Autoriodad di polis

Segun vocero di polis, na 2008, a perde e poder di e articulo 3 di LTU, cu ta e controle bevoegdheid, caminda cu a perde 9 potestad den un solo articulo. Lacle mes ta luchando pa haya e potestad aki bek. E ta refleha con e personanan aki ta yegando Aruba. Pa ta realistico, un polis no por para un auto pa controla papel di un persona cu ta stranhero. Polis no tin un controle bevoegdheid. Tanten cu nan no tin esey, polis no por haci’e. Solamente si ta ambtenaarnan apunta via landsbesluit por haci esaki. Warda nos Costa ta un di e departamentonan cu tin e potestad aki.

 

Ken mester cambie

Esaki ta un landsverordening. Un minister por cambia esaki. E cambio aki a bin na 2008 den e LTU y a yega momento cerca esnan cu ta bay riba e leynan aki na Aruba, evalua si nos kier sigui asina leu, si kier lag’e atractivo pa pazuid bin cerca nos. Tin cu haci algo, segun lacle. Si no haci algo, e ta keda bira atractivo pa nan bin aki.

 

Control na costa y tera

Mester bin un cooperacion entre departamentonan entre otro entre KPA y Douane y no sa con leu e negociacionnan aki ta. Pero un biaha mas, door cu no tin e controle bevoegdheid, ta poco dificil pa polis. Douane tin e in-uit doorvoer, pero polis no.

 

Deseo

Segun Lacle, e problematica di siguridad, ta un problema di no solamente di polis, sino di e comunidad completo. Pa logra esaki mester cuminsa traha hunto y pone schouder bou di esaki prome cu e situacion rementa.

 

Anuncio di Maduro

Lacle no tin ningun informacion riba e anuncio di Maduro confirma. Polis, monitoreando e situacion pazuid, tin cu cuminsa e medidanan pa nos costanan.

 

Otro informacion tambe relaciona cu Nicolas Maduro ta, cu entre otro un minister di Aruba, sr. Glenbert Croes ta pega na Venezuela, na Caracas na e momentonan aki y no por yega Aruba ya pa algun dia caba, despues cu aña a habri. Pa motibonan personal y medico el a bay Venezuela y ainda e no por yega Aruba, caminda cu ya caba e fin di siman aki e mester a regresa su isla pa sigui cu su trabao. Sinembargo ainda e no a wordo logra. Esey a wordo publica tambe. Pero ban wak con cos lo desaroya y naturalmente e trabaonan di polis, kustwacht y warda no costa. Tur e gruponan aki hunto na costa, lo mester por wordo fortifica, lo mester bira mas hopi, pa asina evita cu nos ta bay haya e situacionnan manera cu a sosode, caminda cu un boto a yega for di marduga y ningun hende tabata sa. Te mainta, ora cu a cuminsa bira cla, polis a haya yamada di hendenan cu a mira movecionnan straño y finalmente a bin resulta cu e hendenan aki a yega hasta tera y awor aki, segun nan, nan tabata perdi y no ta prome movecion straño cu tin ultimo temponan aki den e mesun vecindario unda cu na un miya leu, a haya hende riba plank, a haya hende den boto. Ta cosnan hopi straño cu ta pasando den e mesun area unda cu aparentemente tin un blind spot. E no ta wordo capta pa radar y ta consecuencia cu ta haya tipo di movecionnan cu Dios laga nunca un di e movecionnan aki por ta lamentabel pa nos hendenan riba nos isla.

Comments

comments

home improvent
Dragon Fly
Roll The Dice Better Price
AC Delco 20% Service