Blackout: Corsou ta den scuridad total atrobe

1704

“E ta e prome pa e aña aki”, asina nos colega Aubrey Janga di Telecuracao a caba di informa nos. Tabata pa mas of menos 2:25pm cu henter Corsou a experencia un “blackout” atrobe. Esey ta nifica cu e isla completo ta sin coriente. Probablemente ta problema atrobe na Aqualectra, e compania nacional di produccion y distribucion di awa y coriente. Ta e prome di e aña aki, pero ta di tantisimo di e ultimo simannan, di cual tin biaha hasta ta conoce dos den un siman!

Nos coleganan di Corsou ta informando nos cu ta parce cu e blackout aki ta un grandi, pasobra hasta comunicacion via telefon a manera cay afo, mescos ta awa den algun bario specifico cu ta depende di coriente pa hisa e presion di distribucion di awa. Nos ta pendiente pa mas informacion dentro di poco.