Tur hende tabata contento ora a pone e prome Piedra na Malmok pa e Boardwalk. Hasta bisiñanan tabata tey etc y tur a bati man. Un trabou cu a cuminsa via e contratista BIC.
Pa basta siman a mira cu e trabou ta para. A resulta cu e bisiñanan a pone presion y para e trabounan. Mesun grupo di bisiñanan entrenan politiconan cu awor no kier cierto di e cambionan y embeyecimento di e area manera nan mes a propone na prome instante.
Un di e problemanan ta murayanan chikito cu a lanta y cu segun nan pa Medio Ambiente ta stroba e desaroyo di biento. Asina tin mas cos cu nan a pone cual awe tur cos a para. Dimes e contratista a scucha y a sinta pa haci e cambionan necesario pa Evita mas problema cu e zona residencial luhoso aki. E contratista parce ta cla pa bay cuminsa atrobe y ta spera di por entrega e Proyecto na tempo.
Tin material cu ta yegando ainda. E Proyecto na su inicio Tabata mustra un pintura y awor e lo cambia pasobra e bisiñanan a insisti. Nan kier pa e area cu ta 50 meter di nan cas wordo traha na nan gusto. Cada cambio por costa mas placa pero den e caso aki parce e ta bay purba wante na mesun costo. Mientrastanto a mira cu a horta material y tambe hekinan cu tabata cera e area di trabou a cay riba caminda of canto di caminda. E Proyecto tin un costo di mas cu un miyon florin.
