Dialuna atardi den careda di 5or a drenta informacion cu tin un cas na candela den Arendstraat. Segun informacion ta un cas net pariba di Cas di Partido AVP. Ora Bombero cu ambulance y Polis a yega, e candela tabata domina. E habitantenan no tabata na cas e momento ey.
Esnan cu tabata gosando Dia Nacional na Cas di Partido a bay den accion kibrando bentanan y drenta. Nan a paga e candela na tempo y evita cu e cas a kima. E cas aki e doño sa cushina y bende cuminda. E biaha aki a descuida y bandona laga e cas cu stove cendi cu weya riba dje.
E doño ta agradecido na e esnan cu a scapa su cas di kima. Bomberonan cu a yega mesora a drenta y solamente wak e situacion y chek si tin cualkier peliger ainda. Polis tambe a tuma nota di e situaciion y djey a bandona e sitio.
