Bisiñanan a activa pa yuda señora maltrata den su cas na Hooiberg

3965

Ayera nochi pa mas o menos 11:00pm a activa Polisnan pa bay un cas na Hooiberg, pa un caso di maltrato. Bisiñanan a señala cu un homber a yega cas, maltrata su pareha malamente y despues a bandona e sitio. Dos homber sinta pafo den cura a tuma nota di e maltrato y a yama Polis mesora, pa por bin yuda e victima.

E dos hombernan a conta Polis cu nan tabata sinta pafo ta combersa, ora a presencia un caso di maltrato dilanti nan cas. E homber a agredi e dama y lag’e tur blousa atras. E dama, despues di tur e sla ricibi, tabata gritando pa “auxilio”, cu a haci cu ambos homber a activa pa dun’e un man.

Polis a scucha version di testigonan y di e victima mes, cu obviamente sa precies ken a agridi’e. Polis a conseh’e pa e bay Dokter pa busca un declaracion di e agresion y despues e pasa na Recherche pa haci un denuncia formal. Asina Fiscal por duna ordo pa detene e abusado mesora y asina lag’e duna cuenta di su acto.