Bisiña terorisando bisiña te cu a yama Polis

2825

Diadomingo banda di 8’or y mey di anochi tabatin un problema entre bisiña cu a Sali di man y mester a pidi intervencion di Polis.

E hecho aki a tuma luga na Casibari.

Polis a yega rapidamente na e sitio y a baha prome na e adres cu a pidi asistencia di Polis y despues di a tende di nan e motibo pakico a yama autoridad, a bay tambe na cas di e bisiña. Aki a drenta den cura y a baha papia cu e bisiña.

Despues di a intermedia Polis a bandona e sitio. Segun informe di esnan cu a yama, e persona a bin ta core full speed dilanti nan cas, ta drift y manda santo den laira. Segun nan no ta prome biaha cu esaki ta pasa y nan no ta biba trankilo mas pasobra e bisiña ta hasta sa tira piedra riba nan cas siendo tin mucha ta hungando den cura.

A laga sa cu nan ta harta di e situacion y cu mester haci algo. Nos no a logra tende e otro bisiña su version, pero mirando con hostina e personanan cu a yama Polis ta, por spera mas problema den futuro.