24ora.com a ricibi un informacion for di un ciudadano na Savaneta, caminda cu e tin bisiñanan cu ta para riba acera y ta stroba bista di trafico. Nan ta para na tal manera cu ora sali for di cura, e no ta mira si auto ta bin di contrario of no.
Ta trata aki di e caminda principal y cada biaha cu yega na e T-weg y kier sali, no ta mira si tin auto ta bin of no.
E ciudadano aki ta conta cu si no tin auto, e no tin problema, pero asina cu e bisiña aki para auto riba e acera, ta un problema.
Diamars anochi el a bay purba di sali pa subi caminda grandi y net tabata tin un auto ta bin. Ta bon mes cu esaki a para na ora, sino por tabata tin un desgracia. Ta na hopi skina ta mira chauffeurnan ta comete e eror aki, strobando bista di otro automobilistanan.
Ta pa e motibo aki mes ta bon pa tene cuenta cu trafico. Si bo kier bay para auto un caminda, hacie consciente cu e no por obstaculisa bista di trafico y evita asina un accidente innecesario.
