Un persona cu problema mental, a bay pa agredi su bisiña cu un bloki cement, e bisiña a reaciona hopi lihe, a dal e un mokete y mesora a yama polis.
Potreroweg, Dakota: Diamars den careda di 9’or di anochi, presencia di polis ta wordo pidi cu hopi urgencia, den Potreroweg pa un persona cu problema mental atacando su bisiña, cu un bloki cement.
Na yegada di e patruya di playa, enberdad nan ta topa cu un cabayero kende ta conta nan cu su bisiña di inicial L.I. kende ta biba dilanti su cas a bay pa agredi’e cu un bloki cement.
Ela conta polis cu e tabata ariba e segundo piso den su cas, na dado momento ela scucha su yiu muhe ta grita. Mesora ela baha abou y a topa cu su yiu hopi spanta, ela mira su bisiña di inicial L.I. kende ta un persona cu ta sufri di trastornonan mental, tabata den su cura di cas y tabata tin un bloki cu tin un tubo hinka aden den su man y cu esaki L.I. tabata dal e murayanan di su cas cu ne.
E no a keda na solamente na dal e murayanan di cas pero ela cuminsa ranca na e porta di cas tambe, cu e intencion di lo kier a drenta paden. E bisiña a puntra L.I. kiko a pase y pa e stop, pero ora L.I. a mira e bisiña, ela bira mas razo y a bay pa ataca su bisiña cu e bloki cement aki. E bisiña a reaciona hopi lihe, pa defende su curpa y di su yiu, ela dal L.I. un mokete pone para keto y a avisa autoridad.
E agentenan na e sitio a compronde di biaha e seriedad di e caso y mesora a bay papia cu L.I. y esaki na prome instante kier a bailanan, pero hopi lihe e agentenan policial a capta cu L.I. enberdad tin un problema serio mentalmente.
L.I. a keda deteni
E agentenan policial mesora a bay over na deten’e, nan a pone L.I. sinta den su cura, pa asina warda un rato riba e transportwagen di Polis. Ela wordo transporta pa warda di polis na Playa, unda a notifica slachtofferhulp, cu na su turno lo mester notifica Respaldo, pa asina e bai di biaha bou tratamento medico.
E mama no a aprecia cu polis a lante for di soño
Despues e polisnan a bay paden di e cas di e mama, pa asina nan tira bista si tur cos ta bon cu e mama. E mama tabata drumi y no a gusta cu polis a lante pa bise cu su yiu ta over zijn toeren. Segun e mama kende ta un persona di edad halto caba, polis a strobe di drumi.
For di Diahuebs caba e tabata actuando straño
Segun otro bisiñanan ta for di Diahuebs caba nan ta notando cu nan bisiña L.I. ta actuando straño, e no tabata drumi y tabata cana henter dia y anochi den cura di su cas y di su mama.
Polis a presenta diabierna anochi
Diabierna anochi caba bisiñanan a yama polis pa atende cune, paso e tabata para na cura y tabata mustra e bisiñanan un baranca den su man, e tabata zwaai cu un machete, cu un shobel, un zaag di corta mata, e tabata para na cura y mustra e bisiñanan esakinan pero den un forma di menasa. Pa e motibo ey bisiñanan a dicidi di bati alarma, pero dos agente a presenta y despues di a drenta paden papia cune nan a bay, te cu Diamars anochi por poco por a pasa un tragedia.
E ultimo dianan bisiñanan tabata tin’e na bista caba.
E bisiñanan ta na altura di su enfermedad y tabata tin bista riba dje, pero for di Diahuebs e tabata cana den su cura y di su mama, e no tabata sali, no tabata tin niun motibo pa panico, pero nan tabata ripara cu e tabata birando cada dia mas agresivo. E ta para den su cura y tabata mustra bisiñ
Diamars anochi ela yega su top di agression.
Ela bay pa agredi e bisiña dilanti su cas cu un bloki. E caso aki sigur ta pone tur hende corda e caso cruel na Boegoeroei cu a sosode dos aña pasa den cual un agente policial a perde su bida. Esaki danki na e bisiña atento cu a reacion hopi lihe a evita un otro tragedia similar.
A avisa e instancianan concerni????
NO ta conoci si e agentenan policial Diabierna anochi a bati alarma, a informa respaldo y of otro instancianan concerni, pa asina e cabayero aki por lo por a haya e medicamentonan necesario pa e por a calma.
