Un caso lamentabel a tuma luga awe mainta ora cu bisiña a alerta autoridad cu tin un persona cu problamente no ta dunando señal di bida den cas. Na yegada en berdad a bin topa cu un persona riba vloer sin bida.
Esaki a tuma luga aproximadamente 12:00 pm na Sero Patrishi. Na sitio a bin tuma nota di presencia di brandweer, ambulance y polis cu a drenta accion mesora. Personal di brandweer a pasa man pa trapi y via bentana a logra drenta e cas.
Personal di ambulance a dirigi nan mes di biaha na e victima pa mira si ainda por a haci reanimacion pero esaki no tabata necesario mas. E persona no tabata na bida mas.
Segun por a compronde na sitio, lo tabata trata di un persona di edad halto (62 aña) cu pa un of otro motibo a fayece. A pidi pa dokter presenta y asina constata morto pa e procedura por continua y laga personal di funeraria busca defunto. Ta manda palabra di condolencia na famia.
