Bishitantenan local ta gusta e cuminda y servicio na Fishes & More

Rinus (81), Mayra (74), Mylene (40) y Tamika Almary (9) de Graaff tabata tin un momento maraviyoso na Fishes & more Restaurant den Arawak Garden siman pasa. Rinus, kende ta un atleta tremendo y un bon hungado di tennis, ta bon conoci riba e isla, mientras cu su casa Mayra tambe ta conoci, kende semper tabata activo den provee cuido di mucha despues di scol. Hunto cu Mylene y Tamika Almary, nan a celebra e ultimo dia di 2017 cu un bishita. Nan bebida tabata mojito’s, biña y refresco, mientras cu e platonan principal tabata carpaccio, surf & turf y filet mignon.

Famia De Graaff a disfruta nan mes, a gusta e cuminda y a aprecia e excelente servicio di Fishes & More.

Fishes & more ta un di e restaurantnan popular di Arawak Garden. E ta famoso pa su Early Bird specials. The Arawak Garden ta situa dilanti di Barcelo Resort riba e hi-rise strip.