Pa 5:30 di atardi asistencia di Polis tabata necesario na un adres na Koningstraat pa un caso di agresion cu arma blanco. Na e sitio, agentenan policial a topa cu un escena den cual un ex-pashent di Respaldo tabata di bishita cerca un amiga.
Sinembargo, na dado momento, e encuentro a tuma un direccion robes y bira discusion caminda e doño di e cas a bisa e bishita pa bay. E agresor a nenga y saca un cuchiu y haci gestonan menasante.
Inmediatamente e yiu di e victima a yama Polis. E agentenan a hayanan cu un situacion complica den cual e unico testigo di e agresion ta e yiu di e victima y tin dos version di loke a sosode cu no ta cuadra cu otro.
Basa riba esaki, agentenan a bay over na detena ambos hende muhe. Ta spera cu un bes na warda y despues di interogacion, por saca afo miho kico ta loke a sosode.
