Bingo Ticket sale 10 di Juni di Aruba Lions Club

Aruba Lions tin algun siman caba ta promoviendo su gran bingo pa dia 23 di juni na Club Caiquetio riba cual dia tur cu lo tey presente lo tin e oportunidad di gana fabuloso prmio nan cash pero tambe otro premionan cu lo rifa durante e bingo. Solamente a resta algun buki mas pa e ta un sold out.

Nos campaña riba facebook: Gana free tickets pe Bingo di Aruba Lions Club a kay hopi bon den smak di masha hopi hende mes. Ya nos tawatin 2 ganador y e siman aki lo anuncia e di tercer ganandor cu tambe ta gana su 4 free ticket pe bingo di dia 23 di juni na Club Caiquetio..

Apesar cu Aruba Lions Club a anncia e lugarnan di benta di tickets varos biaha caba. Manera: Aventura Snacks, Welcome Back snack, Technodent na San Nicolas, Shaba Pastry, Boeny Restaurant, Café Marily y na diferente gas stations. Asina mes a peticion di hopi hende Aruba Lions lo tin un dia, 10 di juni proximo, un bingo ticket sale day combina cu benta di soppi al estilo di nos grandinan y un sanger yena cu lo pone bo boca baba. Pero corda si op = op..

E actividad aki lo cuminsa pa 9or di mainta y lo termina 1 or di merdia. Esaki ta specialmente pa esnan cu ta buscando ticket. Pasa na nos club cu ta keda net dilanti di Eagle Racket Tennis Club. Si nos sobra ticket ainda lo organisa un siguiente dia di benta. Si no lo bo mester warda te dia 23 di juni pa mira si ainda lo bo por haña ticket cumpra y registra pa bo tambe gana fabuloso premio.

Pa mas di 70 aña caba Aruba Lions Club ta trahando boluntariamente na bienestar di nos comunidad y ta conta cu tur hende pa nos por continua cu e trabao noble aki.