E fiesta no ta para na Aruba Waterpark situa na Hooiberg, bao di maneho nobo, completamente renoba. Tin algun anuncio cu ta hopi importante pa henter e fin di siman aki.
Vocero di Waterpark, Sylvienne a splica cu dialuna awo lo bay tin Youth Extreme y door di yama 7392580 y bin bishita e Waterpark. Esaki lo ta e afterparty y ta na Aruba Waterpark boso mester ta.
E parke naturalmente ta habri durante di e dos ultimo paradanan di carnaval. Nan a habri for di diaranson te cu diadomingo, for di 9’or di mainta te cu 5’or di atardi. E prijs ta super rasonabel. Ta paga 75 florin pa adulto all inclusive.
Cu all inclusive kiermen bo ta haya bo breakfast, bo lunch, bo snacks. Tin un openbar y tambe e ta unlimited non-alcoholic. A pone na un prijs super atractivo pa nos localnan. No solamente pa localnan, sino nos rumannan di Corsou, Boneiro, di Isla Riba, tambe ta mas cu bon bini na Aruba Waterpark.
Recepcion di pueblo
Gerencia di Waterpark ta hopi contento cu e recepcion di parti di pueblo. Ta super positivo tambe di e reaccionnan cu nan ta haya. For di tur caminda nan ta haya bon comentario, riba Instagram, Snapchat, Facebook, Whatsapp. Ta un satisfaccion cu apenas nan a habri december, nan ta hayando bon reaccion. Nan tin e parti di siguridad pa e muchanan.
Si mayornan kier bin, tin 8 lifeguard, tin dos lite attendant. E mayornan por sinti nan mes na cas y relaha, pasobra ta full un concepto nobo, cual ta e intencion. Pesey e prijs ta asina atractivo tambe.
Prijs
E prijs ta 75 florin manera menciona, for di 13 aña bay ariba. Muchanan bao di 3 aña no ta paga nada. Muchanan di 4 pa 12 aña ta paga 50 florin so. E ta un bon prijs y tur cos inclui. Ta yega mester yega na Aruba Waterpark.
Tur hende mester tey pa Boom Bam. Tambe tin entendi cu lo bay tin un competencia. Pasobra esun cu dal e Boom Bam mas miho, por haya un entrada gratis.
Invitacion
Ta invita henter pueblo di Aruba pa bin y disfruta e parke nobo aki.
