Laboratorio Familiar N.V. ta celebrando su 33 aña dunando servicio pueblo di Aruba. Pa esaki e laboratorio kier duna bek na pueblo di Aruba y ta haci esaki diadomingo awo, dia 10 di maart.
Ta invita tur hende pa pasa entre 8:00-10:00am y haci un checkeo. E checkeo aki ta uno gratis pa tur esunnan cu presenta. E dia aki nos lo haci checkeo riba 3 cos cu ta sucu, cholesterol y triglycerides (vet den sanger).
Nos kier celebra nos 33 aña cu un Free Health Day pa Aruba, y pa haci e checkeo aki ta preferibel na ayuna. E evento aki ta uno gratis, unda cu no ta bay via AZV.
Tur persona cu haci nan checkeo lo por mira nan resultado online via website di Laboratorio Familiar N.V.. Lo duna un reference number na cada persona cu haci e test. Tambe por pasa busca nan resultado e dia siguiente despues di 4:00pm na Laboratorio Familiar. E resultado lo ta online despues di 24 ora.
Pasa cerca na Laboratorio Familiar N.V. na De La Salle Straat 72 y haci bo checkeo. Tambe lo tin DJ pa anima e mainta aki pa tur esunnan presente, bolo, refresco pa despues cu bo haci bo checkeo. E famia di Laboratorio Familiar N.V. ta cla pa sigui brinda nan servicio na e famianan di Aruba pa hopi aña mas, manera e lema ta bisa “We care as a family”. Nos ta warda bo diadomingo di 8:00am pa 10:00am.
