Diabierna 31 di mei y diasabra 1 di juni, The Lobby localisa na Aruba Marriott Resort & Stellaris Casino lo ta anfitrion di un evento culinario Mexicano estilo pop-up pa dos anochi, cu guest chef Mexicano Juan Pablo Domínguez di Solaz – A Luxury Collection Resort na Los Cabos.

Chef Juan Pablo Domínguez a nace y crece dentro di un famia di doño nan di restaurant den cuidad di Guanajuato na Mexico y actualmente ta fungi como Specialty Chef di Al Pairo restaurant na Solaz – A Luxury Collection Resort na Los Cabos. Chef Domínguez ta un experto den e ramo di gastronomia Mexicano y ta gusta experimenta cu recetanan innovativo, pero alaves manteniendo e respet pa e tradicionnan di Mexico, como tambe respet pa e tecnicanan ancestral y ingredientenan local.

Chef Domínguez ta encanta biaha pa e estadonan di Mexico di mas tradicional manera Oaxaca, Puebla, y Yucatan, pa asina bishita e mercadonan local y siña mas di e ingredientenan local, como tambe bishita e cokinan tradicional pa asina siña mas di e tradicionnan culinario di Mexico. E team di Aruba Marriott Resort a invita Chef Juan Pablo Domínguez pa forma parti di e evento aki pa asina duna e comunidad di Aruba como tambe e bishitantenan un biahe culinario special pa Mexico por medio di su diferente aromanan, specerijnan, sabornan y tradicionnan. Chef Domínguez a prepara un menu sumamente special di platonan chikito pa asina demostra su tecnicanan di cushina y su pasion pa e gastronomia Mexicano.

Un di e platonan cu lo ta riba menu ta e Aguachile Negro, cual ta un ceviche di Mexico tradicional prepara cu shrimp fresco, jalapeño carbonisa, y tomatinan chikito berde. Chef Domínguez lo prepara tambe diferente salsanan di mole cu tortilla traha na man y “slow roasted suckling pig”. E evento di dos anochi aki lo ta tumando lugar na The Lobby diabierna 31 di mei y diasabra 1 di juni cuminsando 7or di  anochi. Reservacion ta rekeri como cu tin solamente 70 lugar disponibel cada anochi. Pa traha bo reservacion, jama 520-6670 / 520-6343 / 520-6652. Un tiki mas di Aruba Marriott Resort & Stellaris Casino: Aruba Marriott Resort & Stellaris Casino ta situa na Palm Beach y ta consisti di 414 camber cu balcon priva cu bista pa e pool relajante y tambe pa e awa nan blauw di lama.

Huespednan cu ta desea exclusividad por has reservacion na e Tradewinds Club, un boutique hotel di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita   www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.

Comments

comments