Bin celebra e ultimo edicion di Island Festival pa aña 2019 cu un ambiente di Pasco den cayanan di San Nicolas.
Ya for di 7’or di anochi por cuminsa disfruta musica di gaita Las Unicas, sgui pa un historical show hunto cu e zonido di asambeho di Massaive Brassband y cu e muchanan talentoso di The Popcorn Dancers.
E anochi lo sigui cu Grupo di Betico y pa clausura e anochi N’fuzion lo trece tremendo ambiente cu su musica pegahoso.
Ta bay tin un total di 30 vendor cu un variedad grandi di cuminda navideño, cos dushi, bebida y tambe artesania. Y no lubida, Santa Claus tambe lo tey presente pa e deleite di nos chiktinan, Manera semper entrada lo ta gratis. Pa mas informacion corda bishita nan pagina riba Facebook, Island Festival Aruba. Ban P’ariba, ban disfruta di e ultimo Island Festival 2019 cu dushi musica, dushi cuminda y ambiente garantisa.
