Bikes 4 Kids Curacao a otorga 100 bicicleta na muchanan di menos recurso

Tur aña Bikes 4 Kids ta papia cu diferente persona pa duna fondo pa asina cumpra bicicleta pa muchanan. Tambe nan ta gradici tur nan sponsornan pa yuda. Nan a duna 100 bicicleta, cual ta sosode tur aña. Ya esaki ta tumando luga pa 6 aña.

Otro aña, nan ta duna 80 y despues lo keda riba 100 bicicleta. Esaki ta pa muchanan di menos recurso na Corsou. E muchanan cu ta pober, ta busca nan, trece nan cerca esnan di Bikes 4 Kids, pa asina nan haya nan bicicleta, despues ta hiba nan bek, naturalmente, cu nan bicicleta. Tur bicicleta ta bin cu su helm y proteccion. Segun e presidente esey ta pone un sonrisa riba cara di e muchanan. Si tur hende haci algo pa yuda otro hende, tur hende ta gana.

Nan por tuma contacto cu nan via nan website www.bikes4kidscuracao.org of tambe yama Marvin na Toko Williwood of tambe por yama na 5284885. Tur mucha den un famia te cu 18 aña ta haya un bicicleta. Ta percura pa tur mucha den un famia haya un bicicleta. Nan tin un formulario cu e mayornan ta yena nomber, adres, number di telefon di contacto, e nomber di e mucha, nan edad, nan estatura y si ta mucha muhe of mucha homber, pa asina nan por haya un bicicleta di su tamaño. Otro aña, sigur nan lo continua cu e acto aki.