“Bijstand pa refugiadonan ta adecua”

Secretario di Estado Raymond Knops di Relacionnan di Reino, ta haya cu Hulanda, Aruba y Corsou ta haciendo suficiente pa por ricibi e refugiadonan for di Venezuela.

E no tin miedo cu Corte Europeo di Derechonan Humano demanda Reino riba esaki. Esey ta loke Knops a bisa den un overleg cu e comision pa relacionnan di Reino di Eerste Kamer. Recientemente el a tene un combersacion cu expertonan riba e crisis di refugiadonan. E presidente di e Comision, Ruard Ganzevoort, a bisa cu nan a pensa cu Hulanda, como e pais mas grandi di Reino, ta yama pa rindi cuenta si e recepcion no cumpli cu e Convencion Europeo di Derechonan Humano (EVRM).

“Esey lo ta posibel si nos no haci nada. Pero awo net esey no ta asina. Nos ta sinti nos mes co-responsabel. Ta un cuestion di cana entre proporciona asistencia y ta responsabel. Nos no por asumi e responsabilidad,” Knops a bisa. E ta despues di tur cos, un asunto di e pais, el a ripiti varios biaha. Pero segun e secretario di estado, Corsou y Aruba ta satisfecho cu e asistencia.

“E situacion ta bira miho paso pa paso.”

Eerste Kamer a pidi den e motie-Strik, pa un bijstand adecuado y un procedura pa solicitantenan di asilo adecuado.

Tineke Strik (GroenLinks) a bin bek amplio riba esaki. El a preocupa e detencion di e refugiadonan pasobra tampoco nan por wordo debolbi na e situacion actual. Segun Knops, no ta keda nada mas cu e detencion di stranheronan of posiblemente e envio di condicionnan.

Por lo tanto, Strik a puntra kende ta responsabel di e aplicacion di e derechonan humano den e ayudo pa e islanan. “Ami no por sinta riba e stoel di Hof,” tabata e reaccion di Knops.

E Secretario di Estado a mustra un gran comprension pa e dificil situacion di Aruba y Corsou. “Nan ta ricibi tur e plaganan di Egipto,” el a bisa. Corsou tin cu lidia cu un recesion y Aruba cu debenan grandi y e problemanan aki lo bay bira pio debi na e situacion di e pais bisiña. Esaki tin un biaha mas consecuencianan pa e turismo y e industria petrolera, el a resumi. Por lo tanto, Hulanda ta cla pa brinda asistencia ora cu pidi p’e y esey ta loke ta sosode, Knops a bisa.